Moderatori i Portokallisë, Salsano Rrapi ka ironizuar debatin që është bërë pas batutave, ku ngacmuan Donaldin duke përmendur Bora Zemanin dhe Beatrix Ramosaj, por kjo nuk është pritur mirë nga kjo e fundit. Këngëtarja refuzoi ftesën për të darkuar me banorët pasi është ndjerë keq nga shakaja e tepruar.
Por pas refuzimit të Beatrix i ka ardhur në mbrojtje kushurira e saj duke thënë mes të tjerash, se ajo ishte prekur dhe nga komenti i Salsanos.
Pas kësaj ka ardhur dhe reagimi i aktorit të humorit, i cili përmes një mesazhi drejtuar Ermal Mamaqit, ka ironizuar gjithë “zhurmën” që është shkaktuar në rrjet pas asaj që ndodhi brenda shtëpisë së famshme.
“Kjo video është për ty Ermal Mamaqi. Duke qen se je dhe regjisor dhe po bën filma këto kohët e fundit, kam një ofertë për ty po sikur të bëjmë bashkë një film, të jetë horror. Ti të jesh kanibal dhe unë që jam i mbyllur në shtëpi. Dhe ti nga inati vjen, hyn në shtëpi, dhe më masakron mua. Më çan barkun, mëlçinë dhe në fund më merr dhe zemrën dhe më ha. Pastaj në fund janë të gjithë të lumtur që më ke ngrënë mua, do ta transmetojmë në të gjithë kinematë që ka Shqipëria dhe të ftojmë të gjithë fansat e Big Brotherit. Do të jeni të kënaqur me vdekjen time. Do ta quajmë Big Kanibal, pastaj do të pimë kafe dhe do të shohim se si do të kënaqen njerëzit duke parë ngrënien tënde dhe vdekjen time.“, shprehet ai.
Discussion about this post