Djali i manjatit George Soros, Alex i është bashkuar darkës së liderve të Ballkanit Perëndimor në Ohër në kuadër të samitit të “Ballkanit të Hapur”. Krah tij ndodhet kryeministri shqiptar Edi Rama, kreu i qeverisë maqedonase, Dimitar Kovaçeski, presidenti serb Aleksandar Vuçiç dhe kryeministri i Malit të Zi, Dritan Abazoviç.
Alex Soros nuk ka munguar në asnjë takim të “Ballkanit të Hapur” dhe si duket po e monitoron me kujdes nismën e cila që në fillime është mbështetur fuqishëm nga Soros. Projekti i “Ballkanit të Hapur” mori së fundmi mbështetjen e Kremlinit. Ishte ministri i Jashtëm rus, Sergei Lavrov i cili dha dritën jeshile të Moskës për projektin e vendeve të Ballkanit Perëndimor, ku iu është bashkuar dhe Shqipëria. Në samitin në Ohër pritet të nënshkruhet një marrëveshje për njohjen e diplomave të arsimit të lartë si dhe memorandume për bashkëpunim kulturor në fushën e turizmit.
Discussion about this post