Presidenti i Serbisë Aleksandar Vuçiç ka konfirmuar pjesëmarrjen në samitin e Bashkimit Europian në Tiranë. Ai u shpreh se vendimi u mor pas diskutimit me të gjithë bashkëpunëtorët, kryeministren Ana Brnabiç, si dhe përfaqësues të tjerë të disa shteteve.
Sipas Vuçiç, në rast se nuk do të merrte pjesë, do të sillte një dëm të madh për vendin në fushën e investimeve dhe kudo tjetër.
“Nuk jam i sigurt, por do të ketë patjetër përfitime të shkosh në Tiranë. Sigurisht që do të kishte dëm nëse nuk shkoja në samitin BE-Ballkani Perëndimor. Ndoshta do të tregoja që kotësia ime është më e fortë dhe më e madhe, por sigurisht që do të ishte një dëm i madh për vendin, për tërheqjen e investimeve dhe gjithçka tjetër. Në këtë mënyrë, pavarësisht se tema është Ballkani Perëndimor dhe 20 prej tyre do të fillojnë të flasin për sanksionet ndaj Rusisë dhe problemin e Kosovës në mënyrë joadekuate. Ndoshta kolegët e mi kanë të drejtë kur thonë se është më mirë të dëgjosh të paktën një përgjigje sesa të mos dëgjosh asgjë. Pra, unë do të shkoj atje nesër,” tha Vuçiç.
Discussion about this post