Ka nisur konferenca e përbashkët mes liderëve të Ballkanit në Ohër ku presidenti serb Alexandër Vuçiç nuk i ka kursyer elozhetë për kryeministrin Edi Rama, pasi ky i fundit ka treguar herë pas herë mbështetjen për të.
Gjatë fjalës së tij, Vuçiç u shpreh se Rama ka treguar fuqi të madhe lideri, pasi nisma për “Ballkanin e Hapur” ka pasur gjatë rrugëtimit të saj presione të shumta.
“Duhet të vazhdojmë të bisedojmë të thjeshtëzojmë procedurat e kufijve. Çdo herë jam i pakënaqur me veten time dhe rezultatet që arrijmë. Megjithatë kemi arritur shumë. Nuk kemi çështje bilaterale të hapura mes tre vendeve tona. Këto janë çështje të mëdha. Sot në Ohër dëshiroj tu them që ne nga Serbia asgjë nuk kërkojmë, as nga Maqedonia, vetëm dëshirojmë të kemi marrëdhënie vëllazërore. Një falënderim të madh për zotin Rama, edhe kur kemi qenë në presion nga anë të ndryshme Edi Rama ka treguar fuqi të madhe të liderit. Ka treguar vendosmëri. Si kryetar i Serbisë i kam borxh të madh se pa fuqinë e tij Ballkani i Hapur nuk mund të mbijetojnë. Besojmë që të gjithë këtë që kemi nënshkruar sot do të kontribuojmë shumë. Jam shumë krenar”, tha Vuçiç.
Discussion about this post