Në Milano të Italisë do të ndërtohet një stadium i ri për, i cili do të shërbejë për ndeshjet e Interit dhe Milanit.
Kryebashkiaku i këtij qyteti, Beppe Sala ka dhënë dritën jeshile në një postim në ‘Instagramin’ e tij, ku ka treguar edhe hapat e ardhshëm, pas takimit që u zhvillua mëngjesin e sotëm me përfaqësuesit e dy klubeve.
Sipas tij janë pranuar tre parakushtet themelore të administratës publike, për të shkuar më pas në fazën ekzekutive të projektit.
“Kërkesa e parë është që stadiumi i ri duhet të respektojë në thelb linjat dhe vëllimet e përfshira në studimin e fizibilitetit, që tashmë i është paraqitur administratës. Pika e dytë kërkon një rikonstruksion të zonës së San Siros aktuale, për të zhvilluar projektin e zonës sportive dhe argëtuese, në një kontekst të gjelbër edhe në këtë rast, sipas dosjes së paraqitur. Pavarësisht nga koha e ndërtimit të stadiumit të ri, ceremonia e hapjes së Lojërat Olimpike të Dimrit 2026 do të zhvillohet në objektin aktual, në shenjë nderimi për historinë e tij të lavdishme.
Së fundi, pika e tretë dhe e fundit, që koncesionet e të drejtave volumetrike për zhvillimin urban ndihmës të stadiumit, nuk do të ndryshojnë nga ajo që lejohet nga PGT aktuale. Dy klubet kanë rënë dakord në lidhje me këto propozime. Në këtë pikë besoj se këshilli mund të procedojë shpejt në diskutimin e interesit publik”.- bëri me dije Beppe Sala./K.T/Gijotina.com
