Policia e Sarandës ka arrestuar 4 persona për veprën penale ndërtim pa leje në zonën e mbrojtur të quajtur “Kurora e qytetit”. Sipas njoftimit të policisë janë kapur në flagrancë; Shenasi Ahmetaj, 47 vjeç, banues në Sarandë, Flamur Baraj, 46 vjeç, banues në Mallakastër, Elton Pashka, 37 vjeç, banues në Delvinë dhe Astrit Rrupulli, 51 vjeç, banues në Librazhd.
Gjithashtu është shpallur në kërkim për veprën penale “Ndërtimi i paligjshëm” Aleksandër Rica, 49 vjeç, banues në Sarandë. Sipas njoftimit, Rica ka kryer veprime korruptive për të nisur ndërtimin pa leje në këtë zonë.
Policia bën me dije se personat e lartpërmendur po kryenin ndërtime brenda vijës së verdhë në zonat urbane dhe ato bregdetare, në vendin e quajtur “Kurora e qyetit”, në lagjen nr.3.
