Skuadra e Lacios sfidon Juventusin këtë të shtunë ku do të kërkojnë të përfitojnë nga situata aspak e mirë e bardhezinjve dhe vijuar rrugën drejt objektivave sezonale. Trajneri i bardhekaltërve, Mauricio Sarri ka analizuar këtë vigjilje dhe ka theksuar se torinezët janë ekipi më i fortë në Itali.
“Nuk është vetëm sulmi, Juventusi ka lojtarë individual të një niveli të lartë në çdo pozicion. Juve ka ekipin më të thellë dhe më të fortë në ligë. Duhet të shmangim që ata të kenë shumë posedim të topit, të cilin duhet të përpiqemi ta kemi vetë.
Rinovimi? Unë flas me drejtuesit pothuajse çdo ditë, shkëmbejmë mendime. Ne kemi një marrëdhënie shumë të drejtpërdrejtë, gjithmonë kam thënë atë që mendoj, pastaj drejtuesit do të vendosin se çfarë të bëjnë.
Të gjesh disa orë për gjumë është aspekti që më shqetëson më shumë. Është e vështirë për shumë arsye, do të luajmë në Moskë dhe më pas në Napoli. Tre ndeshje shumë të rëndësishme për ne.
Bëhet i vështirë rikuperimi mes një ndeshjeje në tjetrën. Për momentin ne mendojmë vetëm për të nesërmen pa menduar më tej”, tha Sarri.
Discussion about this post