Në prezantimin për buxhetin e Policisë gjatë vitit 2022, kryeministri Edi Rama nuk harroi të përmendte as premtimin e tij për dy satelitët që do lëshohen në hapësirë.
Duke iu përgjigjur kritikëve të tij, Rama tha se ato që qeshin do të shikojnë dhe rezultatin në fund, ndërsa shtoi se sateliti i parë do hidhet në mars.
“Projekti i satelitëve është një projekt tjetër, ju keni dëgjuar dhe keni parë shumë gallatë dhe humor nuk është keq që njerëzit të qeshin, por me satelitin që do të hedhim të parin në mars do të kemi në dispozicion të dhëna në kohë reale përditë dhe policia e shtetit do të ketë në dispozicion të dhëna për ndërtime pa leje dhe nuk do të jetë e varur sesa mirë e bëjnë punën në terren punonjësit e policisë. I kanë sytë hapur për një familje në fshat dhe të mbyllur kur plazheve u hidhet beton ndërkohë që gjithçka do të kalojë tashmë te një sy tjetër që nuk ka kushërinj, nuk ka miq nuk ka parti, por vetëm mbledhje dhe kalim të dhënash në duart e autoriteteve. Policia nga satelitët do të kenë të dhëna në kohë reale, për ndotjen e mjedisit, vendgrumbullimet e paligjshme të plehrave, që krijojnë për ato që krijojnë sasira plehrash që janë krime mjedisore dhe polici i shtetit është përgjegjës dhe duhet që ti Identifikoje jo vetëm vendndodhjen për edhe përgjegjësit”, ka thënë Rama.
Më herët, Rama ka njoftuar se sateliti “Albania 1” do të lëshohet në hapësirë në muajin mars, ndërsa “Albania 2” do të lëshohet në muajin qershor.
Discussion about this post