Benfica do të përballet me Interin ditën e mërkurë në sfidën e kthimit të çerekfinaleve të UEFA Champions League. Pas humbjes 0-2 në shtëpi, portugezët do të tentojnë të bëjnë surprizën në “San Siro”, aty ku do të provohet kalimi për në gjysmëfinale.
Në konferencën për shtyp para ndeshjes, trajneri i Benficës, Roger Schmidt ka kërcënuar zikaltërit, duke u shprehur se ka besim që skuadra e tij mund të kalojë më tej.
“Kur vjen nevoja për të shënuar shumë gola, ne kemi treguar këtë sezon se dimë të shënojmë. Edhe në ndeshjen e fundit kemi krijuar shumë raste por për fat të keq nuk kemi përfituar prej tyre.
Nesër e di që do të jetë një ndeshje e komplikuar për ne sepse do ta nisim ndeshjen nga një 2-0. E dimë që Interi është një skuadër e rrezikshme që mund ta nxjerrin probleme.
Sezonin e shkuar mendoj se kemi hedhur në kosh një mundësi të artë për të pasur rezultate pozitive, por tani duhet që të shohim para”, u shpreh mes të tjerash trajneri.
Discussion about this post