“S’e mbaja dot”, flet 32-vjeçarja që hodhi foshnjën në lumë

Detaje të reja dalin për ngjarjen e rëndë në Shkodër ku nëna hodhi fëmijën në lumin Kir. Në datën 4 Janar ajo ka lënë spitalin, pasi ka kryer të gjitha procedurat edhe për përfitimin e bonusit.

Mendohet qe foshnjën e ka hedhur në lumë prej 2 ditësh dhe kanë qenë misionarët e Kishës Katolike që kanë njoftuar dje policinë, pasi kanë parë që 32-vjeçarja nuk e ka fëmijën.

FaxWeb ka siguruar dëshminë e saj në Polici pas arrestimit, ndërsa nga deklarimet duket që nuk ka shfaqur asnjë shenjë pendese për aktin e rëndë të kryer ndaj foshnjës së saj.

“Fëmijën e hodha në lumë, sepse nuk kisha mundësi ta mbaja”, mësohet të ketë thënë gruaja. 32-vjeçarja rezulton e lindur në Fier dhe ka jetuar në Shkodër tek dajat e saj.