Seanca në Kushtetuese, këshilltari i Metës njofton konferencë për media

Këshilltari i Presidentit Ilir Meta, Tedi Blushi, njofton se pas pak do të ketë një prononcim nga këshilltari ligjor i Kreut të Shtetit, Bledar Dervishaj, i cili po ndjek seancën në Gjykatën Kushtetuese.

Në një postim në “Faceook”, Blushi thekson se Derevishaj do të japë prononcimin live nga Institucioni i Presidentit të Republikës për atë, që siç e cilëson këshilltari, “marrëzinë më të fundit të Kuvendit të ri”.

“Për marrëzinë më të fundit të Kuvendit të ri, që ndjek me besnikëri të plotë rrugën e manipulimit dhe falsifikimit të provave nga Kuvendi njëpartiak, pas pak Këshilltari i Presidentit për Çështjet Ligjore, z.Bledar Dervishaj do të japë një prononcim live nga Institucioni i Presidentit të Republikës.
Transmetim LIVE në faqen zyrtare të Presidentit Meta në Facebook.

Më herët, Dervishaj ka bërë një denoncim ku sipas tij janë tjetërsuar fjalët në pretendimet e presidentit: “Janë ndryshuar fjalët. Ndërkohë edhe ka pasur ndërhyrje në prova. Gjykata të çmojë vërtetësinë se ka ndërhyrje në të. Me qëllimin e vetëm që të rrëzohen pretendimet e Presidentit. Ka ndërhyrje, por qëndrimet e Presidentit qëndrojnë. Ka mllef politik,” tha Dervishaj.