Seanca për Fredi Belerin, mbërrin në Gjykatë edhe ambasadorja greke

Në Gjykatën e Durrësit do të shqyrtohet kërkesa e Fredi Belerit për t’u lejuar që të betohet si kryebashkiak i Himarës.

Ndërkohë në Gjykatë ka mbërritur edhe ambasadorja greke, Kostantina Kamitsi.

Diplomatja greke do të marrë pjesë në seancën gjyqësore ndaj Belerit.

Më herët dy gjyqtarë kanë hequr dorë nga shqyrtimi i kësaj kërkese. Kështu që atë e mori përsipër Entela Shedola, gjyqtare pranë Gjykatës së Kavajës.

Seanca do të zhvillohet me dyer të hapura, por në rast se Fredi Beleri do të ketë kontestim për vendimin do të vijojë me dyer të mbyllura.