Anëtari i Gjykatës Kushtetuese dhe njëkohësisht njëri prej gjyqtarëve të çështjes së shkarkimit të presidentit Ilir Meta nga Kuvendi, Përparim Kalo ngriti disa pyetje në procesin e sotëm.
Kalo kërkoi nga kryetari i grupit parlamentar socialist, Taulant Balla dhe kryetarja e Komisionit të Ligjeve Klotilda Bushka se mbi ç’baza u ngrit Komisioni Hetimor i Kuvendit për shkarkimin e Metës. Kalo kërkoi gjithashtu që të vendoset një datë tjetër për të ftuar presidentin Ilir Meta që të shprehet.
“A mund të shtyhet afati për të mundësuar dëgjimin e presidentit? Pse konsiderohet veprimtari zgjedhore angazhimi i presidentit? Mbi ç’baza është ngritur Komisioni Hetimor? A është e detyrueshme prania e presidentit në procedurat përkatëse? A janë përcaktuar afatet dhe rregulloret për përcaktimin e seancës?”, ishin pyetjet që Kalo ngriti në seancë.
Përfaqësuesit ligjorë të Presidencës Bledar Dervishaj dhe Katrina Treska kërkuan që shkarkimi i presidentit ose jo, të vendoset nga legjislatura e re, prandaj trupa Gjykuese është mbledhur për të marrë vendim.
Discussion about this post