Seanca gjyqësore ndaj kryebashkiakut të Tiranës, Erion Veliaj, dhe të pandehurve të tjerë ka dështuar sërish për shkak të mungesës së avokatëve, të cilët vijojnë bojkotin ndaj rregullores së re të Gjykatës së Posaçme.
Pas mosparaqitjes së tyre në seancë, GJKKO vendosi t’i gjobisë avokatët me nga 100 mijë lekë të rinj secilin. Ndërkohë, për Erion Veliajn janë pezulluar sërish afatet e paraburgimit.
Gjykata e Posaçme ka bërë të ditur se në seancën e ardhshme, të caktuar më 27 tetor, do të thërrasë avokatë nga shërbimi i ndihmës juridike falas pranë Ministrisë së Drejtësisë, për të siguruar përfaqësimin e të pandehurve.
Prej 7 shtatorit, avokatët kanë bojkotuar proceset gjyqësore në GJKKO, në shenjë kundërshtimi ndaj rregullores së re që ndalon mbajtjen dhe përdorimin e telefonave celularë në sallat e gjykimit.
Discussion about this post