Lojtari Taulant Seferi doli sot në konferencën për shtyp në prag të ndeshjes KF Dinamo-KF Tirana që do të luhet ditën e nesërme në stadiumin Air Albania. Sulmuesi është ndalur tek sfida e kupës, gara për titull dhe e ardhmja në ekipin kombëtar.
“ Të dyja janë derbi dhe të dyja kanë rëndësi. Gjithsesi mund të them që me Partizanin ka më shumë atmosferë, me Dinamon mbetet për tu parë.
Është akoma fillimi, ne e kemi nisur mbarë si grup por edhe nga ana individuale ka akoma për të dhënë dhe do të jap akoma më shumë.
Si lojtar është herët për të folur për titullin dhe ne i marim ndeshjet një nga një. Kampionati shqiptar është i fortë ndaj duhet të jemi me këmbë në tokë dhe shpresojmë të vazhdojmë kështu.
Jo nuk kam asnjë mesazh për trajnerin Reja. Ata janë profesionistë dhe e dinë vetë. Nëse do të kenë nevojë për mua dhe nëse do ta gjykoi të drejtë që unë të kem në kombëtare ftesa nuk do të mungojë dhe unë do të jem i gatshëm.
Ata që janë lart, Teuta, Vllaznia edhe Partizanin nuk do ta nënvlerësoja, gjithashtu edhe Dinamo ka ekip shumë të mirë, por kampionati është i gjatë dhe mbetet për tu parë”, theksoi Seferi.
Discussion about this post