Sekretari amerikan i Shtetit, Antony Blinken ka mbërritur në Tiranë. Avioni me të cilin udhëtonte Blinken, është ulur në aeroportin “Nënë Tereza, rreth orës 11:12.
Blinken është pritur në aeroport nga ministri i Punëve të Jashtme, Igli Hasani.
Në kuadër të kësaj vizite, janë marrë edhe masa nga ana e policisë, ku 1500 efektivë do të jenë në gatishmëri, ndërsa disa rrugë janë të bllokuara për drejtuesit e mjeteve.
Diplomati amerikan pritet të qëndrojë deri në 20:00.
Ai do të takohet me presidentin Bajram Begaj, kryeministrin Edi Rama, si dhe do të mbajë një takim me të rinjtë te Piramida.
Discussion about this post