Sekuestrohet mbi një ton drogë në Kosovë, vlera shkon në 5 milionë euro

Një aksion është duke u zhvilluar në rajonin e Pejës, ndërsa nga Prokuroria Themelore e qytetit është bërë e ditur se sasia e drogës së sekuestruar është mbi 1 ton, ndërsa vlera llogaritet rreth 5 milionë euro.

Lajmin e konfirmoi zëdhënësi i Prokurorisë Themelore në Pejë, Shkodran Nikçi.

“Sot mbi një ton drogë është sekuestruar nga Prokuroria Themelore në Pejë. Vlera e drogës është rreth 5 milion euro dhe është ndër aksionet më të mëdha antidrogë nga paslufta. Aksioni është në zhvillim. Për detaje të tjera ju njoftojmë ndërkohë”, është shprehur Nikçi.

Ky aksion po konsiderohet si ndër aksionet më të mëdha antidrogë që nga paslufta.