Ish-kryetari i PD-së, Eduart Selami u shpreh se Sali Berisha është fatkeqësia e PD-së që pas shpalljes së tij “non grata” nga SHBA. Ai theksoi se Berisha po mban peng PD-në, teksa nënvizon që një reformatim i partisë nga ish-kryeministri është diçka e pamundur.
“Mendimi im është që ky është një debat tejet i vonuar për PD-në. Fatkeqësia e PD-së ka qenë Berisha që edhe pas shpalljes “Non grata” vazhdon përpjekjet për të mbajtur peng PD-në. Unë nuk mund ta mendoj, Berisha duhet të kishte kapërcyer këtë me kohë. Një skenar që ky të vijë si reformator i PD-së është e pamundur. Ky kapitull është i mbyllur, Berisha është e kaluara. Duhet të shikojmë nga e ardhmja. Do i mbijetojë lëvizjes së Sali Berishës. Nuk është çudi që sot ndahen dhe nesër bashkohen prapë ata. PD duhet të vendosë, do të bëhet edhe njëherë shpresë për shqiptarët, apo të bëhet peng i Berishës. PD duhet të rithemelohet. PD sot është bërë mburojë e korrupsionit, është e deklaruar nga DASH”, -theksoi ai.
Eduard Selami eshte nje nga personat e shkarkuar nga vendimet e Berishes në vitin 1995 vetëm me një mbledhje të kryesisë, kjo për shkak se doli kundër ndaj Berishës pasi ky i fundit donte që të mbante njëkohësisht funksionin si president i vendit por edhe si kryetar i PD-së.
Discussion about this post