Ish-banorja e “Big Brother Vip”, Semi Jaupaj ka publikuar këtë të martë këngën e re, në bashkëpunim me Yllin Limanin.
Kënga titullohet “Mos u kthe”, ndërsa artistja i këndon një historie dashurie që ka përfunduar dhe ajo nuk e kërkon më.
“Emrin tim thuaje sot, merre dhe shkele në tokë, nuk më paske dash më së shumti në botë
A e din si është mos me u zgju dhe mos me u gzu që je gjallë
Mos u kthe, nisu dhe shko te zemra tjetër që të pret,
mos u kthe te unë se shumë më mirë pa ty jam vetë”, janë disa nga vargjet e baladës.
Teksa lëviz në një dhomë të zbrazur, Semi merr në dorë një arush që qëndronte në tokë. Arushi është i njëjti me atë që banorja i kishte dhuruar Donaldin, por pasi doli nga shtëpia e “Big Brother VIP” i kërkoi t’ia kthente.
Artistja ka qenë mike e Donaldit, kur ky i fundit nisi një romancën me shoqen e ngushtë të Semit, moderatoren Bora Zemani.
Por pasi aktori i humorit la pas të shkuarën dhe nisi një histori me këngëtaren Beatrix Ramosaj në shtëpinë e “Big Brother VIP” miqësia mes tyre duket se ka mbaruar.
Kënga është vendosur dhe në “Big Brother VIP”. Donaldi e ka dëgjuar në prani të Ilirit dhe Beniadës. Iliri dhe Beniada nuk i kanë mbajtur dot të qeshurat dhe i kanë hedhur Donaldit shikime duke nënkuptuar se i dedikohet atij. “Shko te zemra tjetër që po të pret se më mirë pa ty jam vetë”, i ka thënë Iliri. Aktori fillimisht është prerë ndërsa më pas është shprehur “Shumë e bukur është”.
Beniada: Shumë e bukur po içik e trishtë
Discussion about this post