Serbia vijon të ketë numër të lartë viktimash nga Covid-19, ndërsa situata e infektimeve paraqitet e rënduar.Autoritetet shëndetësore bëjnë me dije se në 24 orët e fundit janë shënuar 63 humbje jetësh, ndërkohë këto shifra vijojnë prej ditësh në shtetin serb.
Që nga muaji mars i vitit 2020 në këtë vend të Ballkanit Perëndimor janë regjistruar gjithsej 10.018 të vdekur nga COVID-19.
Të hënën, nga 19.952 mostra të testuara, 5.896 kanë dalë pozitivë në koronavirus. Në spitalet e Serbisë janë të shtrirë 6.760 pacientë, prej tyre 290 po trajtohen përmes respiratorit.
