Kryeministri i Kosovës Albin Kurti ka reaguar në lidhje me ngjarjen e pazakontë, ku Serbia ndaloi pjesëmarrjen e boksierëve kosovarë në Kampionatin Botëror të Boksit në Beograd.
Kurti i bën thirrje BE-së të dënojë këtë veprim diskriminues të Beogradit. Sipas kryeministrit, serbët duhet ta tregojnë forcën e tyre në ring e jo në kufi. Ai nënkupton se ky veprim nga ana e Serbisë nuk duhet të prekë sportin, madje të mos lejojë sportistët të marrin pjesë në një garë ndërkombëtare.
“Serbia duhet të tregojë forcën e saj në ringun e boksit jo në kufi. Vendimi i tyre për të mos lejuar hyrjen e sportistëve tanë për Kampionatin Botëror të Boksit 2021 është një shkelje e normave ndërkombëtare të sportit. I bëj thirrje BE-së dhe bashkësisë ndërkombëtare ta dënuar këtë shkelje dhe veprim diskriminues”, shkruan Kurti në Twitter.
Kampionati Botëror i Boksit po zhvillohet në Beograd, aty ku ishin nisur dhe boksierët kosovarë për të garuar. Për shkak të simboleve kombëtare, Serbia nuk e lejoi shkuarjen e tyre. Federata Botërore e Boksit tha se Kosova është anëtare fuqiplotë dhe madje pret pjesëmarrjen e saj në Kampionatin Botëror të Boksit për meshkuj.
Peter Stano, zëdhënësi i BE pohoi se Bashkimi Evropian e mbështet kërkesën e federatës e të mundësohet pjesëmarrja e Kosovës në garë.
Ministri i Kulturës i Kosovës kritikoi BE-në për shkak se kjo e fundit nuk bëri asnjë reagim ndaj veprimit të Serbisë.
