Ish-kryeministri Sali Berisha ka marrë fjalën i pari në seancën plenare në Kuvend duke folur për synimet që ka nisma për rezolutën e kërkuar për dënimin e genocidit serb në Srebrenicë.
“Kjo seancë shënon një moment jashtëzakonisht të rëndësishëm në jetën e këtij parlamenti por dhe për shoqërinë e kombin shqiptar. Nisma e deputetëve të grupit të PD, për të dënuar genocidin serb në Bosnje është një nismë që synon nderimin e 8 mijë viktimave të Srebrenicës në tërësi burra e djem të besimit musliman, boshnjak, të vendosur në një zonë të mbrojtur nga OKB, ka synim të shprehë nderimin për viktimat e kësaj barbarie të madhe pas Luftës së dytë Botërore. Synim të shprehë solidaritetin me boshnjakët, viktima të kësaj barbarie, ka synim të dënojë një akt të pashembullt nga përfundimi i luftës së dytë botërore deri sot”, tha Berisha.
Gjatë fjalës së tij Berisha atakoi dhe presidentin serb Aleksandër Vuçiç, të cilin e cilësoi si një Putin të vogël, përgjegjës për genocidin në Bosnje, të cilin mund ta ripërsërisë në çdo kohë.
“Në rast se Ballkani nuk ecën drejt BE, një nga shkaqet madhore është qëndrimi i gabuar i komunitetit ndërkombëtar ndaj Vuçiç. Pasi është një Putin i vogël i gatshëm të përsëris gjenocidin serb në çdo kohë” tha Berisha.” tha Berisha.
Discussion about this post