Napoli merr goditjen e radhës në Serinë A, ku nuk fiton prej tri ndeshjes. Kampionët e Italisë humbën thellë 3-0 në fushën e Torinos në një ndeshje ku gjtihçka shkoi keq për ta, sidomos pas ndëshkimit të Mazzocchit me karton të kuq në fillim të pjesës së dytë, kur vendësit po udhëhisnin 1-0 me gol të Sanabrias. Në pjesën e dytë shënuan edhe Vlasic e Buongiorno.
Vjen fitorja e radhës për Lazion në kampionat. Bardhekaltrit triumfuan 1-2 në fushën e Udineses me gola të Pellegrinit dhe Vecinos. Për vendësit nuk mori vlerë goli i barazimit të përkohshëm (1-1) i shënuar nga Walace.
Torino – Napoli 3-0
Napoli e pëson në fundin e pjesës së parë në takimin ndaj Torinos, në transfertë. Në zhvillimet e një goditjeje standarde, Sanabria arrin të kontrollojë topin brenda zonës dhe me lehtësi mposht portierin, 1-0.
Ndëshkimi i Mazzocchit me karton të kuq ia bën më të lehtë Torinos ndaj Napolit. Në minutën e 52-të Vlasic shënon të dytin për vendësit.
Kapitullon përfundimisht Napoli. Buongiorno realizon me kokë pas një goditjeje këndi, 3-0.
Udinese – Lazio 1-2
Ndërkohë, në “Stadio Friuli”, në ndeshjen Udineze – Lazio, miqtë shënuan që në minutën e 12-të. Pellegrini ekzekuton me mjeshtëri një goditje të lirë pranë kufirit të 16 metrave, duke e dërguar tokazi topin në rrjetë, 0-1.
Lazio nuk mundi t’i rezistonte më gjatë presionit të Udineses: Walace barazon rezultatin në minutën e 59-të.
Gjthsesi, në të 76-tën Vecino ktheu epërsinë për Lazion, që u ruajt deri në fund.
Discussion about this post