Mungesa e vazhdimësisë në kampionat ka qenë një nga pikat më të dobëta të Interit gjatë këtij sezoni dhe jo më kot Simone Inzagi ka përfunduar jo pak herë në shënjestrën e tifozëve të tij.
Por më shumë se trajneri, një tjetër e dhënë dekurajuese e zikaltërve është edhe vetë organika dhe konkretisht mosha mesatare e saj.
Interi është skuadra me moshën mesatare më të lartë të Italisë, e ndjekur nga Lacio dhe e plotësuar në 10 vendet e para nga Juventusi i pozicionuar në vendin e pestë. Për të gjetur emrat e tjerë të mëdhenj të Serisë A duhet të shkojmë në vendin e 12-të, ku renditen kryesuesit e Napolit, ndërkohë që mes pretendentëve Milani është skuadra me organikën më të re.
Discussion about this post