Është një situatë e frikshme, në kuptimin që tani ekziston frika për të humbur qoftë edhe një pikë të vetme gjatë rrugës. Gara për në zonën Champions, e reduktuar në tre vende për pesë skuadra nga 47 pikët e Interit në 41 të Atalantës, do të lërë pa gjumë natën tifozët e skuadrave më në zë në Serie A, të gjitha gjithashtu me mëndjen se Juves mund t’i kthehen pikët e hequra nga shkalla e fundit e gjykimit.
Duke marrë parasysh atë që tregon renditja aktuale, është e qartë ndërkohë që nuk ka asnjë favorit të vërtetë për një vend në Champions League. Dikush mund të rrezikojë Interin, vetëm për avantazhin e vogël që ka grumbulluar, por edhe në rastin e “Nerazzurrëve”, diferenca prej pesë pikësh ndaj Lazios nuk duket e mjaftueshme për të ndjerë se ata tashmë kanë një këmbë në elitën e futbollit europian, përkundrazi.
Arsyeja nuk është e vështirë për t’u kuptuar, qoftë edhe me një notë jo të parëndësishme, domethënë edhe me një fazë të dytë të gjatë ende për t’u luajtur. Megjithatë, duke qenë se po flasim për sot e kësaj dite dhe faktin që renditja sugjeron të mendohet për një ardhje të mundshme në pikë të barabarta, rezultatet e përplasjeve direkte kanë dhe do të kenë peshën e tyre.
Në këtë kuptim, bilanci i Interit nuk është shumë qetësues. Pasi ka rikthyer barazinë me Milanin (3-2 për kuqezinjtë në ndeshjen e parë, 1-0 për Nerazzurrët në ndeshjen e kthimit), Inzaghi ka fituar vetëm një përballje tjetër direkte (3-2 në Bergamo), por ai është në rerkord negativ me Lazion dhe Romën.
Vetëm Lazio, edhe pse mbrapa në renditje (por vetëm me dy pikë), ka marrë rezultatet më të mira në ndeshjet direkte. Në fakt, Sarri ka një bilanc në barazi të përsosur me Atalantën (fitore në transfertë për të dy ekipet, 0-2), por ka mundur Interin, Milanin dhe Romën dhe, ndër të tjera, mund të llogarisë në një tjetër element që mund të bëjë diferencën golavarazhin më të mirë falë 39 golave të shënuar dhe 19 të pësuar (+20).
Kini kujdes, sepse muri mbrojtës mund ose nuk mund të hapte një derë për Ligën e Kampionëve. Më të mirët në këtë kuptim janë kryeqytetaset (Lazio dhe Roma të dy me 19 gola të pësuar), më dobët është Milani (30 gola të pësuar).
Discussion about this post