Në 24 orët e fundit 20 qytetarë janë konfirmuar pozitivë me koronavirus në Kosovë, nga 2072 testime të bëra.
Gjithashtu njoftohet se nuk është regjistruar asnjë viktimë dhe se 31 pacientë janë shëruar.
Numri total i rasteve aktive është 427, ndërsa njoftohet se në 24 orët e fundit janë aplikuar 10 mijë e 381 doza të vaksinës.
Prej fillimit të vaksinimit në të gjitha qytetet e Kosovës janë dhënë 1milionë e 542 mijë e 975 doza të vaksinës, ku 707 mijë e 296 qytetarë janë vaksinuar me dozën e dytë.
