Ekipi i Sevillas ka fituar trofeun e UEFA Europa League duke u treguar më i saktë gjatë serisë së 11-metërshave përballë Romës.
Ky ishte një triumf shumë i vështirë dhe i komplikuar për klubin andaluz. Gjatë 90 minutave, ndeshja përfundoi në barazim një me një, me Romën që kaloi në avantazh me Dybala (35’).
Sevilla barazoi gjatë pjesës së dytë falë autogolit të Mancini (55’).
Ky rezultat rezistoi deri në fund të kohës së rregull si dhe përtej 30 minutave të kohës shtesë.
Në fund, në serinë e penalltive, fati i buzëqeshi spanjollëve, të cilët triumfuan për herë të 7, në këtë kompeticion.
Kjo ishte humbja e parë në një finale europiane për trajnerin Jose Mourinho.
Me këtë fitore Sevilla siguron të drejtën për të luajtur në Superkupën UEFA, ndaj fitueses së UEFA Champions League (Inter/Manchester City).
Discussion about this post