Mbrëmjen e sotme në orën 21:00 PSG-ja do të zhvilloje ndeshjen e dytë të fazës së grupeve të Champions League dhe përballë ka një kundërshtar shumë të fuqishëm siç është Manchester City i trajnerit Pep Guardiola.
Kjo ndeshje konsiderohet si një finale e parakohshme në kampionatin më të rëndësishëm të klubeve në botë, pasi kemi të bëjmë me dy skuadra që kanë disa nga lojtarët më të mirë në botë në përbërje të tyre.
E ndërsa jemi disa orë përpara kësaj supersfide të gjithë sytë janë nga ylli argjentinas i parisienëve, Lionel Messi.
A do të luajë ai mbrëmjen e sotme?
‘Pleshti’ është rikthyer ditën e dielë në stërvitje me skuadrën, pas mungesës që bëri në dy ndeshje për shkak të dëmtimit që pësoi në përballjen e PSG-së me Lyon-in.
Ky lajm i ka gëzuar shumë tifozët e PSG-së dhe të vetë yllit, të cilët prej rreth një muaji presin golin e parë të tij me fanellën e francezëve.
Megjithatë ende nuk dihet nëse Messi do të jetë në formën e tij optimale që të luajë mbrëmjen e sotme, apo nëse trajneri Pochettino do vendosë që ta aktivizojë atë që nga minuta e parë.
Megjithatë ajo që është e sigurt është fakti që nëse argjentinasi do të luajë, kjo sfidë do ishte shumë interesante duke ditur që dy miq të vjetër siç janë ai dhe Guardiola, do jenë në polet kundërshtare./K.T/Gijotina.com
