Skuadra e Tiranës kërkon përmbysjen e rezultatit të ndeshjes së parë ndaj Dinamos në turin e dytë të kupës së Shqipërisë ku bardheblutë duhet minimalisht të realizojnë dy gola për ta dërguar ndeshjen në shtese. Për këtë sfidë presidenti i skuadrës së Tiranës, Refik Halili ka vendosur një premio të majme në rast kualifikimi ndaj rivalëve të qytetit.
Gazetari i supersport, Ylli Aga zbuloi në emisionin “Gol pas Goli” se presidenti Halili ka vendosur një premio prej 40 mijë eurosh për skuadrën e tij nëse arrihet kalimi në çerekfinale të kupës.
E vetmja mungesë për skuadrën e trajnerit Orges Shehi është Xhixha i cili u dëmtua në stërvitje. Tirana kërkon të shkruajë historinë në këtë përballje teksa në duelin e kampionatit fituan 4-0 ndaj Dinamos.
Discussion about this post