Shqipëria do të përballet mbrëmjen e sotme në orën 20:45 me Andorën në ‘Air Albania’ për takimin e fundit kualifikues të Botërorit ‘Katar 2022’, ndonëse tashmë me ëndërr të ndërprerë për vazhdimësinë në këtë kampionat.
E ndërsa na ndajnë edhe disa orë nga kjo sfidë, ‘Kuqezinjtë’ duket se nuk kanë për ta pasur aspak të lehtë pavarësisht nivelit të kundërshtarit, që renditet i pestë në Grupin I me vetëm 6 pikë, 9 pikë më pak se Shqipëria.
Përfaqësuesja e drejtuar nga trajneri Edoardo Reja vuan nga mungesa të shumta me Cikalleshin, Ismajlin e Gjasulën të pezulluar për shkak të numrit të kartonëve. Veseli nga ana tjetër është i padisponueshëm, Broja që zgjodhi të mos udhëtojë drejt Shqipërisë për shkak të pakënaqësive me teknikun italian. Bare, Kumbulla e Balaj po ashtu nuk do të jenë në këtë ndeshje pasi kanë probleme fizike.
Kjo bën që Shqipëri të ketë vështirësi edhe në plotësimin e protokollit të FIFA-s, një situatë që ia vështirëson kërkimin e rezultatit pozitiv.
Pas disfatës së thellë me Anglinë, qëllimi tjetër i Shqipërisë ishte mbyllja e këtij Botërori me 18 pikë, megjithatë në situatën ku ndodhet ekipi edhe kjo gjë duket shumë e vështirë për t’u arrirë./K.T/Gijotina.com
Discussion about this post