Javën e tretë të Abissnet Superiore Dinamo do të përballet me kampionët në fuqi të Shqipërisë.
Të shtunën në orën 13:45 ‘Blutë’ e kryeqytetit do të luajnë në stadiumin e Egnatias në Rrogozhinë kundër Teutës, një takim që pritet të jetë shumë e vështirë për ‘Nëndetësen’.
Ndërsa ka folur në prag të këtij takimi, trajneri i Dinamos Blendi Shkëmbi është shprehur se i duhen me patjetër 3 pikët dhe për këtë arsye nuk pyet kë ka kundërshtar.
“Përballë tani kemi kampionët, që meritojnë respekt, por ne jemi Dinamo dhe nuk do të ndryshojmë, por do të kërkojmë të fitojmë, pavarësisht ndaj çdo kundërshtari që luajmë”.-tha ai.
Më tej tekniku foli për ecurinë e deritanishme të skuadrës së tij dhe theksoi se nuk është i kënaqur me lojën.
“Duhet të jemi të kënaqur me pikët e marra deri më tani, por me lojën nuk jemi të kënaqur të gjithë. Duhet të kemi vazhdimësinë, kemi pasur momente të mira gjatë ndeshjes, por edhe jo të mira. 4 pikë në dy ndeshje, barazim ndaj Laçit, një skuadër shumë të fortë nuk është keq, mendoj se kemi bërë mirë deri më tani”.-u shpreh Shkëmbi.
Aktualisht Dinamo renditet në vend të pestë me katër pikë, ndërsa ka marrë një fitore dhe një barazim./K.T/Gijotina.com
