Trajneri i Manchester United, Erik Ten Hag foli në një konferencë për shtyp në prag të ndeshjes kundër Bayern Munich që do të vendosë fatin e ekipit të tij në Champions League.
Edhe pse është thënë shumë, e ardhmja e tij momentalisht nuk është në dyshim dhe drejtuesit e klubit e kanë konfirmuar edhe pas humbjes së rëndë ndaj Bournemouth.
Erik Ten Hag është i bindur se përkundër vështirësive, Manchester United ka fuqinë për të mposhtur Bayern Munichun dhe të shpresojnë për një “mrekulli” në Ligën e Kampionëve.
Ecuria e këtij sezoni në Ligën e Kampionëve për “Djajtë e Kuq” nuk ka qenë aq e suksesshme, ndaj shpresat e tyre për kualifikim në fazën me eliminim po mbahen në “fije të perit”.
United ka grumbulluar vetëm katër pikë dhe janë të pozicionuar në vendin e fundit në grupin A dhe ndeshjen e fundit të fazës së grupeve e luajnë kundër Bayern që tashmë ka siguruar kualifikimin.
Të besuarit e Ten Hag duhet të bëhen skuadra e parë që e mposht gjigantin gjerman në një ndeshje të fazës së grupeve në Ligën e Kampionëve që prej shtatorit të vitit 2017 dhe të shpresojë që ndeshja mes Kopenhagës dhe Galatasaray të përfundojë pa fitues.
“Old Trafford nuk është një vend i mirë për të ardhur si kundërshtar. Shpresoj që tifozët të jenë me ne. Që kur kam qenë këtu, gjithmonë kemi ndjerë një lidhje të fortë mes ekipit dhe tifozëve, edhe kur kemi pasur pengesa të mëdha, por duhet të marrim përgjegjësi dhe t’i stimulojmë ata.
Nuk e di. Ajo çfarë di është se nuk duhet të mendojmë për ndonjë skenar negativ. Ne duhet të mendojmë pozitivisht, kështu që e dijmë se çfarë duhet të bëjmë. Ne duhet të fitojmë për të qëndruar në Evropë”, ka thënë Ten Hag.
Sfida mes Manchester United dhe Bayern Munich do të luhet sot në orën 21:00
Discussion about this post