Ka pasur reagime të ndryshme pasi Shakira publikoi një hit të ri përmes të cilit ajo thumbon ish-partnerin Gerard Pique dhe të dashurën e tij aktuale, Clara Chia Marti.
Megjithatë, ka diçka që shqetëson më shumë familjen e Pique-s sesa teksti i diskutueshëm i këngës së re.
Nëna e Pique, ka vënë re se ka një manekin të një shtrige të zezë e cila ishte vendosur në tarracën e shtëpisë së Shakirës në Barcelonë.
Banorët në zonë kanë raportuar se e kanë dëgjuar këngën e re me volum të lartë dhe që vjen nga shtëpia e saj. Në hitin e ri këngëtarja ka zgjedhur të thumbojë edhe ish-vjehrrën e cila jeton afër artistes me shtëpi.
Mediat e huaja shkruajnë se marrëdhënia midis Shakirës dhe Montserrat Bernabéu, nëna e Gerardit është acaruar pasi ajo mirëpriti lidhjen e re të djalit të saj.
Edhe pse e ëma e Piques i ka kërkuar njërit pjesëtar të stafit të këngëtares që ta heqë, Shakira duket e vendosur që kjo shtrigë e zezë të qëndrojë duke parë në drejtim të shtëpisë së prindërve të Pique në mënyrë që familja e ish-partnerit të mos ndihet rehat.
Discussion about this post