Udhëheqësi i izoluar i talebanëve është shfaqur publikisht këtë të shtunë.Sipas mediave të huaja, udhëheqësi suprem i talebanëve Maëlaëi Haibatullah Akhundzada, ka vizituar një shkollë fetare në qytetin e Kandaharit.
Maëlaëi Haibatullah Akhundzada nuk ishte shfaqur në publik që kur u bë lider i talebanëve, që përkon me vitin 2016. Ai nuk ka bërë paraqitje edhe pasi lëvizja që udhëheq mori kontrollin e Afganistanit në muajin gusht, pas tërheqjes së forcave amerikane dhe vendeve tjera aleate.
Akhundzada gjatë vizitës së tij në medresenë Darul Uloom Haakimah, mësohet se është lutur për dëshmorët talebanë dhe që Zoti të shpërblejë popullin e Afganistanit që sipas tij ka luftuar pabesimtarët dhe shtypësit për 20 vjet.
Dalja publike e liderit të talebaneve është bërë në kushte të larta sigurie. Në mediat sociale janë publikuar vetëm audio incizime të deklaratave të tij.
Gjatë fjalimit të tij 10-minutësh, Akhundzada, gjithashtu u lut për zyrtarët që po kalojnë në provën e madhe të ndërtimit të “Emiratit Islamik të Afganistanit”.
