Sharon Stone deklarohet gati për verën. Në postimin e saj në Instagram, ajo pozon para pasqyrës së shtëpisë së saj me bikini seksi leopardi, të cilat nxjerrin në pah trupin perfekt të saj, në moshën 64-vjeçare.
Në murin pas saj, shfaqet portreti ikonë i një tjetër seks simboli, Marilyn Monroe, me çarçaf në shtrat. Ajo u fotografua në vitin 1961 nga Douglas Kirkland, në moshën 27-vjeçare, një vit para vdekjes së saj.
Në atë sesion fotografik ai takoi tre Marilyn të ndryshme, sipas arkivave të Musee de la Photographie në Paris. Në takimin e tyre të parë ajo ishte e thjeshtë, e afrueshme dhe shumë e natyrshme.
Ditën e fotosesionit ajo u shndërrua në një Marilyn superseksi, në dhomë nuk kishte njeri tjetër dhe ishte e pamundur t’i largohej vështrimi. Më në fund, disa ditë më vonë, ata u takuan për herë të fundit, për t’i treguar asaj fotot.
Atje, Douglas pa një Merlin të dëshpëruar, të errët, e cila nuk kishte asnjë lidhje me asnjë fotografi. Ishte një eksperiencë shumë e fuqishme dhe e paharrueshme për artistin.
Discussion about this post