Pas më shumë se dy vitesh, Camila Cabello dhe Shawn Mendes njoftuan të mërkurën se ata i dhanë fund lidhjes së tyre, por “do të vazhdojnë të jenë miq shumë të mirë”.
Dyshja ndanë një deklaratë të ngjashme, të nënshkruar me emrat e tyre “Camila dhe Shawn”, në faqet e tyre personale në Instagram.
“Hej, ne kemi vendosur t’i japim fund marrëdhënies sonë romantike, por dashuria jonë për njëri-tjetrin si njerëz është më e fortë se kurrë. Ne e filluam lidhjen tonë si miq shumë të mirë dhe do të vazhdojmë të jemi miq shumë të mirë. Ne e vlerësojmë shumë mbështetjen tuaj që nga fillimi.”- thuhet në deklaratë.
Camila dhe Shawn janë takuar për herë të parë në vitin 2014, ku hapën turneun për Austin Mahone. Në nëntor 2015, ata publikuan “I Know What You Did Last Summer”, i cili doli në top 20 në Billboard Hot 100. Dueti i tyre më i fundit, “Señorita” i vitit 2019, arriti numrin 1 në Hot 100.
Konfirmimi i parë publik i lidhjes së tyre romantike erdhi pas publikimit të këngës, në korrik 2019, ku ata u panë duke ecur dhe të kapur për dore në West Hollywood. Ata konfirmuan lidhjen e tyre në shtator të po atij viti, ku ndanë gjithashtu edhe një puthje të sikletshme në rrjetet sociale. / O.B / Gijotina.com
Discussion about this post