Me arsyetimin se cenojnë sigurinë kombëtare, SHBA ka dëbuar 12 diplomatë rusë në Kombet e Bashkuara. Anëtarëve të misionit të Rusisë iu kërkua të largohen nga SHBA pasi janë përfshirë në aktivitete jo diplomatike.
“Ata diplomatë të cilëve u është kërkuar të largohen nga Shtetet e Bashkuara ishin të angazhuar në aktivitete që nuk ishin në përputhje me përgjegjësitë dhe detyrimet e tyre si diplomatë”, tha zëvendësambasadoriamerikan Richard Mills në Këshillin e Sigurimit të OKB-së, pa dhënë më shumë detaje.
Ambasadori i Rusisë në OKB, Vassily Nebenzia u tha gazetarëve se atyre iu kërkua të largoheshin deri më 7 mars, raporton agjencia e lajmeve Reuters.
Discussion about this post