Ditën e sotme, Shtetet e Bashkuara të Amerikës dhe Bashkimi Evropian do të vendosin sanksione shtesë ndaj Rusisë në përgjigje të pretendimeve të Ukrainës se trupat ruse kryen krime lufte në qytetin e Bucha.
Lidhur me këtë njoftim, sekretarja e shtypit e Shtëpisë së Bardhë Jen Psaki është shprehur se SHBA-ja do të ndalojë investimet e reja në Rusi dhe gjithashtu do të vendosë sanksione të mëtejshme ndaj institucioneve financiare ruse, si dhe zyrtarëve të Kremlinit dhe familjeve të tyre.
Burime për Wall Street Journal raportuan se Uashingtoni po shqyrton sanksione shtesë kundër dy vajzave të Putinit dhe Sberbank, banka më e madhe ruse.
Gjithashtu, ditën e sotme ambasadorët e BE-së do të shqyrtojnë edhe planet për një paketë të pestë sanksionesh, që përfshin ndalimin e importeve të qymyrit rus dhe parandalimin e shumicës së anijeve në pronësi ose operim ruse nga përdorimi i porteve të Bashkimit Europian.
Discussion about this post