Shtetet e Bashkuara të Amerikës kanë sanksionuar shtatë zyrtarë të lartë iranianë. Ata akuzohen se kufizuan aksesin në internet dhe kanë dhunuar protestuesit paqësore.
Ndërkohë vijojnë protestat masive në Iran pas vdekjes së 22-vjeçares Mahsa Amini në paraburgim.
Ndër të sanksionuarit më 6 tetor është Yadollah Javani, kreu i Policisë së Zbatimit të Ligjit të Teheranit.
Amin u arrestua më 13 shtator nga Policia e Moralit për mbajtjen e pahijshme të hixhabit, shaminë që gratë duhet të mbajnë në publik sipas ligjit iranian.
Departamenti amerikan i Thesarit tha se përveç Javani, zyrtarë të tjerë të sanksionuar janë: Ministri i Brendshëm Ahmad Vahidi, Ministri i Komunikimit Eisa Zarepur dhe Vahid Mohammad Naser Majid, kreu i Policisë Kibernetike të Iranit.
Më 23 shtator, SHBA-të njoftuan se do të lehtësojnë kufizimet e eksportit ndaj Iranit për të zgjeruar aksesin në shërbimet e internetit, për shkak të kufizimeve nga qeveria iraniane pas protestave që po organizohen atje.
Që nga vdekja e Amin më 16 shtator, protestat antiqeveritare kanë shpërthyer në Republikën Islamike.
Discussion about this post