Mediat amerikane raportojnë se Këshilltari i Sigurisë Kombëtare i Presidentit të SHBA-së Donald Trump, Mike Waltz, dhe zëvendësi i tij, Alex Wong janë larguar nga detyrat e tyre.
Waltz bëhet kështu anëtari i parë i ekipit të lartë udhëheqës të Trump që largohet nga detyra.
Shkarkimi tij nga ky post duket se ka të bëjë me “Signal-Gate” të ndodhur Marsin e shkuar, ku në një grup bisede në rrjetin Signal ku ishte shtuar pa dashje një gazetar u ndanë planet për sulmet ushtarake në Jemen.
Ekipi i Trump atëherë i minimizoi rreziqet e sigurisë dhe tha se asnjë material i klasifikuar nuk u nda në bisedë, por duket se Trump ka pritur që situata të qetësohej përpara se të merrte masa për atë që kishte ndodhur.
Discussion about this post