Qytetarët e Bashkimit Europian dhe Mbretërisë së Bashkuar, të cilët janë vaksinuar plotësisht, do të mund të udhëtojnë drejt Shteteve të Bashkuara të Amerikës duke filluar nga nëntori i këtij viti.
Mediat e huaja shkruajnë se për të udhëtuar drejt SHBA-ve do të nevojiten dëshmia e vaksinimit dhe një test covid negativ i tre ditëve të fundit para udhëtimit. Lajmi u bë i ditur nga Jeff Zients, koordinatori i Shtëpisë së Bardhë.
Administrata e Biden, do të forcojë ndërkohë masat ndaj qytetarëve të pavaksinuar të Amerikës. Atyre nuk do tu lejohet të udhëtojnë jashtë SHBA-së pa bërë tamponin, si dhe nuk do të lejohen të hyjnë në vend për të njejtën arsye. Qytetarët e vaksinuar plotësisht, nuk do të jenë të detyruar të kryejnë karantinimin.
Pas 18-muajsh, ka përfunduar tashmë vendimi i ish-presidentit Trump për ndalimin e qytetarëve europianë e britanikë në SHBA
