Shtetet e Bashkuara njoftuan sot sanksione të reja kundër dy gjyqtarëve një francez dhe një kanadez dhe dy prokurorëve në Gjykatën Ndërkombëtare Penale, e cila është tejet e kundërshtuar nga administarat e Donald Trump. Këto masa vijnë pas një serie sanksionesh të vendosura më herët në qershor kundër katër gjyqtarëve të tjerë të GJPN-së. Në muajin shkurt, Uashingtoni vendosi sanksione ndaj kryeprokurorit të Gjykatës, Karim Khan.
“Sot, po emëroj Kimberly Prost të Kanadasë, Nicolas Guillou të Francës, Najat Shamim Khan të Fixhit dhe Mam Madiaye Niang të Senegalit” për “pjesëmarrjen e tyre të drejtpërdrejtë në përpjekjet e GJND-së për të hetuar, arrestuar, ndaluar ose ndjekur penalisht qytetarët e Shteteve të Bashkuara ose Izraelit, pa pëlqimin e asnjërit vend”, tha Sekretari i Shtetit Marco Rubio në një deklaratë.
Të katër gjyqtarët kanë qenë të përfshirë në raste që përfshijnë Izraelin dhe Shtetet e Bashkuara. Shtetet e Bashkuara kanë shprehur qartë dhe me vendosmëri kundërshtimin e tyre ndaj politizimit të GJND-së, shtoi ai, duke theksuar se institucioni me seli në Hagë përbën një kërcënim për sigurinë kombëtare dhe është përdorur si një armë ligjore lufte kundër Shteteve të Bashkuara dhe aleatit të saj të ngushtë, Izraelit.
Shtetet e Bashkuara janë veçanërisht të shqetësuara për procedurat që synojnë ushtarët amerikanë në Afganistan, të dyshuar për krime lufte të dyshuara, apo edhe për urdhër-arrestet e GJND-së kundër kryeministrit izraelit Benjamin Netanyahu dhe ish-ministrit të tij të Mbrojtjes Yoav Galland, të cilët dyshohen për krime lufte dhe krime kundër njerëzimit në luftën në Gaza. Gjithashtu masat e njoftuara përbëhen nga ndalimi i hyrjes në territorin amerikan dhe ngrirja e aseteve të mundshme në SHBA dhe çdo transaksioni financiar me këta individë.
Discussion about this post