Pentagoni ka informuar se sot u eliminuan dy figura të larta të ISIS gjatë sulmit me dron në Afganistan. Më parë u pretendua se ishte eleminuar një planifikues i një sulmi terrorist. Tashmë rezulton se bashkë me të është vrarë dhe një bashkëpuntor tjetër i tij. Po ashtu një i treti u plagos, por Pentagoni nuk jep informacion për të.
Ky operacion ka qenë mëse i suksesshëm pasi nuk pati asnjë qytetar civil të vrarë. Sulmi në Nangahar ishte përgjigjja e parë e SHBA ndaj Shtetit Islamik Kharosan, filial afgan i ISIS që mori përgjegjësinë për sulmin terrorist të dy ditëve më parë në aeroportin e Kabulit ku vdiqën mbi 170 persona, 13 ushtarë amerikanë e dy britanikë si dhe mbi 200 mbetën të plagosur.
