Deputeti i Partisë Demokratike, Gazment Bardhi, ka reaguar për shpalljen non-grata të Aqif Rakipit. Përmes një deklarate publik Bardhi shprehet se SHBA po shpreh qartë atë që PD e ka denoncuar prej kohësh se, krimi i organizuar ka ndikim në politikë. Duke marrë shembull zgjedhjet e Prillit, ai thotë se më këtë vendim SHBA tregon që Rama ka vjedhur dhe ka ngritur skema abuzive.
“Për herë të parë SHBA shprehet qartë se krimi i organizuar ka ndikim në politikën shqiptare, duke përdorur para dhe dhunë për të përcjellë mbështetje drejt kandidatëve të preferuar. Zgjedhjet e Prillit 2021, veçanërisht në Elbasan, e provuan këtë dhe përfituesi i drejtpërdrejtë dhe arkitekti i kësaj skeme ishte dhe mbetet Edi Rama”, shprehet ai.
Më tutje Bardhi përshëndet këtë vendim të DASH dhe thekson se në këtë mënyrë ngadalë do të pastrohet politika shqiptare nga krimi dhe korrupsioni. “Evidentimi me emër dhe mbiemër nga SHBA i politikanëve të lidhur me krimin e organizuar dhe të korruptuar është një standart që meriton respekt dhe duhet të vijojë. Vetëm me mbështetjen e SHBA mund të pastrohet politika shqiptare dhe qeverisja t’ju kthehet njerëzve”, thekson ai. Ndërkohë, disa nga aktorët e PD ditën e sotme janë shprehur se ky vendim duhet të merret edhe ndaj tyre që janë përfshirë në aferën e inceneratorëve.
Discussion about this post