I ngarkuari me punë në Ambasadën e Shteteve të Bashkuara të Amerikës në Kosovë, Nicholas Giacobbe, ka shprehur mbështetjen e tij për komisionarin e Bashkimit Evropian për dialogun Kosovë-Serbi, Miroslav Lajçak, i cili tha se ka ardhur koha që të bëhet përparim i vërtetë në dialog.
Përmes një postimi në Twitter, Giacobbe shprehet Kosova dhe Serbia duhet ta përfundojnë sa më parë dialogun që zvarritet prej kohësh.
“Përfaqësuesi special i BE-së për dialogun Kosovë – Serbi, Mirsolav Lajçak ka të drejtë, është koha e fundit për përparim të vërtetë në dialogun Kosovë – Serbi. Përfundojeni”, ka shkruar Giacobbe.
Lajçak dje është takuar me kryenegociatorin kosovar, Besnik Bislimi dhe atë të Serbisë, Petar Petkoviq, ku kanë folur mbi ecurinë e dialogur. Por, ajo që bie në sy është se takimet janë bërë veçmas me secilën.
Discussion about this post