Shtetet e Bashkuara të Amerikës i kanë bërë thirrje Izraelit të shmangë përshkallëzimin e konflikit të nisur në Lindjen e Mesme, ky reagim i SHBA vjen pas diskutimeve në qeverinë izraelite se si t’ju kundër përgjigjen sulmeve të fundit të Iranit me 300 dronë dhe raketa.
“Ne nuk duam përshkallëzim, por do të vazhdojmë të mbështesin mbrojtjen e Izraelit dhe do të vazhdojmë të mbrojmë personelin tonë në rajon”, tha Sekretari Amerikan i Shtetit, Antony Blinken në nisje të një takimi me zëvendës kryeministrin e Irakut Mohammed Ali Tamim.
Vijon të shtohet frika se incidentet e fundit në Lindjen e Mesme do të cojë në një luftë të hapur midis Izraelit dhe Iranit dhe të përhapet në gjithë rajonin e Lindjes së Mesme. Presidenti Joe Biden i ka thënë kryeministrit Netanyahu se Shtetet e Bashkuara nuk do të marrin pjesë në asnjë kundërofensivë të Izraelit kundër Iranit.
Që nga fillimi i luftës midis Izraelit dhe Hamasit në 7 tetor, përplasjet janë përhapur midis Izraelit dhe grupeve të lidhura me Iranin në Liban, Siri, Jemen dhe Irak. “Jemi buzë greminës dhe duhet të largohemi prej saj”, tha Shefi i Politikës së Jashtme të Bashkimit Europian, Josep Borrel në një intervistë për radion spanjole Odna Cero. “Duhet të ndalojmë dhe të ndryshojmë kah”.
Discussion about this post