Një operacion anti-drogë i zhvilluar nga SHÇBA ka goditur një grup shpërndarësish të lëndëve narkotike në disa lagje në Tiranë, ku është ndaluar edhe një efektiv policie.
Sipas njoftimit të policisë, janë ndaluar 5 persona mes tyre edhe një efektiv i forcave RENEA, për shpërndarje të lëndëve narkotike.
Policia njofton se janë sekuestruar lëndë narkotike të dyshuara si kokainë, kanabis dhe para, ndërsa të arrestuar janë efektivi Rael Rajmond Luli, Jurgen Vaid Luli, Gertjan Harapi, Gevi Spahia dhe Ergi Sala.
Policia ka kontrolluar disa banesa në zonën e ish-Parkut pasi ka pasur informacione se në to jetonin shpërndarës të lëndëve narkotike. Aktualisht po vazhdojnë kontrollet e banesave të personave të implikuar.
Grupi vepronte kryesisht në zonën e njohur si “Parku i autobusave”, Kombinatit, Misto Mame, Yzberisht dhe Qytet te Nxenesve. Operacioni është në vijim e sipër dhe në përfundim të veprimeve do të ketë një njoftim për media.
