Një ngjarje e rëndë ka ndodhur në Fakultetin e Ekonomisë, ku përgjegjësi i departamentit të Marketingut ka goditur me grusht një pedagoge.
Shefi i Departamentit, Mirdaim Axhami është arrestuar nga policia, ndërsa blutë e Tiranës njoftojnë se 43-vjeçari ka goditur vartësen e tij, Liljana Billa. Ngjarja ka ndodhur pasditen e djeshme në ambientet e Universitetit, ndërsa mediat online shkruajnë se sherri mes pedagogëve ka ndodhur teksa studentët kanë qenë duke zhvilluar një provim.
Nuk dihen arsyet e sherrit mes të dyve, por mediat online shkruajnë se studentët kanë dëgjuar debatin dhe të bërtiturat e tyre.
“Specialistët për Hetimin e Krimeve të Komisariatit të Policisë Nr. 1 arrestuan shtetasin Mirdaim Axhami, 43 vjeç, banues në Tiranë, pasi për shkak të detyrës, dyshohet se ka goditur me grusht vartësen e tij”, njofton Policia.
Disa javë më parë, në media u publikua edhe një komunikim i pedagogëve të Ekonomikut në një grup në Whatsapp, ku u vu re gjuha fyese mes akademikëve.
Discussion about this post