Ekspertja e çështjeve ekonomike, Brisida Shehaj u shpreh se ditën e djeshme, Erion Veliaj nuk ka folur për qytetarët e Tiranës apo këshillin bashkiak, por thjesht ka dërguar një mesazh të qartë brenda rilindjes për të mbrojtur interesat e tij personale.
Shehaj ka deklaruar se tashmë Veliaj është një kufomë e pakallur politike.
Sipas saj, SPAK do të veprojë shumë shpejt ndaj Veliajt dhe nuk do të presë zgjedhjet.
Ajo shtoi se me shumë gjasa Janari do të jetë fundi politik i Veliajt.
Prononcimi
Ne dje e dëgjuam Erionin, por në fakt, Erioni nuk foli për këshillin bashkiak, nuk foli as për qytetarët e Tiranës. Thjesht i dha një mesazh të qartë rilindjes së vet: “Kjo kullë këtu është e imja dhe unë nuk largohem.”
Kaq ishte e gjitha, sepse, të jemi të qartë, unë të ndoqa edhe më parë. Për mua është mëse e qartë që skema ku Nesti Agoni është pjesë, është po rilindja. Opozita, dhe mbi të gjitha Belind Këlliçi, çdo denoncim, çdo kallëzim, çdo informacion e ka çuar me emër dhe mbiemër. Pra, nuk është fshehur as me Idajeta dhe as me individë të tjerë të përdorshëm, por ka firmosur çdo gjë vetë.
Tashmë Erioni është thjesht një kufomë e pakallur. Ka marrë fund, politikisht pa diskutim, qëkur i plasi skandali 5D. U pa qartë që ai do të ishte justifikimi i radhës i Ramës. Pra, njëherë është Beni, njëherë është Beqja, njëherë është Erioni, njëherë dikush tjetër, vetëm Rama “nuk di gjë.”
Madje, mendoj që, nëse deri dje kishte zëra që thonin se “Erioni do të jetë pas zgjedhjeve,” me veprimet që shoh dhe mënyrën se si është bërë situata, besoj që shumë shpejt do të ketë veprim nga SPAK-u ndaj tij. Me shumë gjasa, Janari do të jetë fundi i këtij individi.
Denoncimi anonim
Ata që e kanë bërë, e njohin mirë procedurën. Denoncimi anonim nuk merret për bazë nëse nuk ka një provë që përbën fakt material. Kjo do të thotë se tashmë ka një provë materiale, sepse ky denoncim është certifikuar me vendim gjykate. Nuk është më një denoncim i thjeshtë, pasi ka një vendim gjykate që ka vendosur edhe kontrolle fizike, kontrolle banesash, sekuestrime telefonash dhe materialesh të tjera.
Pra, ata të rilindjes, kur i kanë bërë varrin Erionit, e kanë menduar mirë. Është bërë ai denoncimi që çuditërisht ka shkuar te një prokuror që dihet se nuk është pjesë e enturazhit të Erionit, përkundrazi.
Dhe, siç ndodh zakonisht, Altin Dumani, ky “trim i madh,” ky “hero” i madh i fëmijëve tanë, që nuk futet dot te dosja e inceneratorit (e cila është në dorë të një prokurori dhe ka katër vite e gjysmë që mbetet pezull në zyrat e tyre), çuditërisht, “si hero,” ka marrë përsipër dosjen për hetimin pasuror të Benit dhe dosjen e Erionit.
Sepse dihet që tashmë Erioni do të shkojë. Do të ketë një “show,” dhe do të dalin e do të bërtasin me të madhe: “Heroi i madh vrau Erionin.”
Discussion about this post