Edhe pse zyrtarisht fushata elektorale nuk ka nisur për zgjedhjet vendore të 14 majit, kandidatët kanë shpalosur tashmë prioritetet e tyre.
Por gara e Tiranës është më interesante.
Kandidati i koalicionit opozitar “Bashkë Fitojmë”, Belind Këlliçi, ka ofruar një alternativë konkrete për drejtimin e Tiranës, duke e nisur nga premtimi për transportin publik falas.
Premtim i cili ka gjetur të papërgatitur rivalin politik, Erion Veliaj.
Në “Çim Peka Live”, deputeti i PD, Agron Shehaj u shpreh se Veliaj nuk është në gjendje të bëjë premtime, duke renditur edhe arsyet, ndërsa shtoi se kandidatit të Ramës i ka mbetur veç të sulmojë premtimet e Këlliçit.
“Kemi Veliajn që ndjek Belindin dhe thotë kjo nuk bëhet, ajo s’bëhet, është e parealizueshme, por pa sjellë fakte. Ndërkohë që Belindi tregon sa kushton. Veliaj nuk ka asnjë premtim. Mesa duket është djegur nga premtimi që ka bërë se s’do jepte leje ndërtimi dhe se nuk do të ndërtohej asnjë m2. Sigurisht, ka për t’u mbajtur mend si një nga kryebashkiakët që ka dhënë më shumë leje nga gjithë të tjerët, kështu që atë rrugë po e shmang. Dhe thjeshtë i ka mbetur të sulmojë Belindin në premtimet që po bën”, u shpreh Shehaj.
Discussion about this post